Barnið kemur og fer


Barnið kemur og fer

Þegar komið er með barnið í leikskólan og þegar að það er sótt er nauðsynlegt að láta kennara á deild barnsins vita. Á þetta sérstaklega við ef komið er með barnið eða það sótt í útiveru. Af öryggisástæðum er nauðsynlegt að hringja og láta kennara vita ef einhverjir aðrir en foreldrar koma og sækja barnið í leikskólann. Ekki er æskilegt að börn yngri en 12 ára sæki barnið í leikskólann. Kennarar skrá hvenær barnið mætir og hvenær það er sótt. Þessi skráning er mikilvæg til að tryggja öryggi hvers barns í leikskólanum.

 
Hliðin

Hliðin verða að vera lokuð á öllum tímum, bæði þegar að börnin eru úti og inni. Foreldrar eru vinsamlega beðnir um að láta þá sem koma og sækja börnin í leikskólann vita af þessu. Þetta er mjög mikilvægt atriði. Mörgum börnum finnst spennandi að fá að opna hliðin fyrir mömmu og pabba þegar komið er að sækja þau. Þau eru stundum of dugleg við þessa iðju sína og hafa opnað hliðin áður en foreldrar eru komnir að lóðinni eða þegar verið er að fara í gönguferðir. Leikskólinn biður foreldra um samstarf hvað þetta varðar og að reglan sé sú að fullorðnir opna hliðin, ekki börnin.