Við minnum á að leikskólinn er lokaður vegna fræðsludags leikskólanna þann 17. mars næstkomandi. Vegna aðstæðna verður dagurinn haldinn með breyttu sniði en leikskólarnir verða þó á sameiginlegu fræðsluerindi með því að nýta tæknina.

Bestu kveðjur frá okkur í Brimveri/Æskukoti

Á morgun er Dagur leikskólans og verður hann haldinn hátíðlegur í 14. sinn. Þann 6. febrúar árið 1950 voru fyrstu samtök frumkvöðla leikskólakennara stofnuð. Ýmislegt hefur verið gert í leikskólum landsins á undanförnum árum til að halda upp á daginn og var farið í gönguferð í Brimveri/Æskukoti.

Orðsporið var veitt í dag í áttunda sinn í tilefni dagsins. Orðsporið eru hvatningarverðlaun sem eru veitt þeim sem hafa unnið að því að efla orðspor leikskólastarfs í landinu og hafa unnið af krafti í þágu leikskóla og leikskólabarna. Lilja Dögg Alfreðsdóttir, mennta- og menningarmálaráðherra, upplýsti á morgunverðarfundi RannUng í morgun, 5. febrúar 2021, að handhafi Orðsporsins 2021 væri leikskólastigið. Í ávarpi sínu sagði hún meðal annars:

Leikskólastigið hefur staðið í ströngu undanfarið ár og mikið hefur mætt á kennurum, stjórnendum og öllu starfsfólki leikskólanna við að halda leikskólastarfi gangandi. Unnið hefur verið algjört þrekvirki á leikskólastiginu og fyrir það ber að þakka. Ég geri mér grein fyrir því að þetta hefur verið á tímum mjög erfitt. Þess vegna vil ég þakka öllum þeim sem starfa á leikskólastiginu fyrir þeirra vinnu. Þið eigið svo sannarlega skilið Orðsporið 2021.

Dagur leikskólans er samstarfsverkefni Félags leikskólakennara, Félags stjórnenda leikskóla, mennta- og menningarmálaráðuneytis, Sambands íslenskra sveitarfélaga og Heimilis og skóla – landssamtaka foreldra.

Látum Dag leikskólans verða okkur hvatningu til að kynna okkur það mikilvæga starf sem þar fer fram.

Dagur leikskólans 2021 er með myllumerkið #dagurleikskolans2021.

Við minnum á að fimmtudaginn 4. febrúar er skipulagsdagur í Brimveri/Æskukoti og leikskólinn því lokaður allan daginn.

Bestu kveðjur frá okkur öllum