Foreldrafélag Strandheima

Hlutverk foreldrafélags:

• Vera samstarfsvettvangur foreldra.
• Stuðla að góðum skólaanda m.a. með því að vinna að öflugu félagslífi í leikskólanum.
• Stuðla að auknum kynnum barna, foreldra og starfsmanna skólans.
• Koma á framfæri sjónarmiðum og hugmyndum foreldra varðandi leikskólastarfið til skólastjórnenda og foreldraráðs.

Verkefni foreldrafélags:

• Skipuleggja viðburði í samstarfi við leikskólann.
• Styðja og hvetja deildarfulltrúa til að efla deildaranda og foreldrasamstarf á hverri deild.
• Koma á umræðu- og fræðslufundum fyrir foreldra um uppeldis- og leikskólamál.
• Veita leikskólanum lið í að bæta aðstæður til leiks og náms.
• Sitja fundi með foreldraráði og skólastjórnendum um skólastarfið.
• Taka þátt í samstarfi við önnur foreldrafélög og samtök foreldra á sínu svæði.
• Taka þátt í landsamtökum foreldra.

Foreldrafélög hafa verið tvö við leikskólann, í Brimveri og Æskukoti, á aðalfundi sem haldinn var 27. september 2017 var kosið um sameiningu foreldrafélaga. Niðurstaðan varð sú að bæði félög samþykktu sameiningu. Stjórn foreldrafélaganna skipast úr röðum foreldra og á hver deild að eiga fulltrúa í stjórn félagsins og skipta þeir með sér verkum. Á aðalfundi var samþykkt að kjósa í stjórn fyrir hvert nýtt skólaár á aðalfundi sem haldinn verði í september ár hvert.